Ads Area

55 കിലോമീറ്റർ വരെ വേഗതയിൽ കാറ്റടിക്കാൻ സാധ്യത; മത്സ്യത്തൊഴിലാളികൾ കടലിൽ പോകരുതെന്ന് നിർദേശം



തിരുവനന്തപുരം: അറബിക്കടലിൽ രൂപപ്പെട്ട ന്യൂനമർദ്ദത്തിന്റെ പ്രഭാവത്തിൽ ശക്തമായ കാറ്റ് വീശാൻ സാധ്യതയുള്ളതായി മുന്നറിയിപ്പ്. മത്സ്യത്തൊഴിലാളികൾ ഒരു കാരണവശാലും കടലിൽ പോകരുതെന്ന് ദുരന്തനിവാരണ സമിതി നിർദേശം നൽകി. കേന്ദ്ര കാലാവസ്ഥാ വകുപ്പിന്റെയും ദുരന്തനിവാരണ സമിതിയുടെയും മുന്നറിയിപ്പുകൾ പാലിക്കണമെന്ന് മുഖ്യമന്ത്രിയും നിർദേശം നൽകി. മണിക്കൂറിൽ 45 മുതൽ 55 കിലോമീറ്റർ വരെ വേഗതയിൽ ശക്തമായ കാറ്റ് വീശാൻ സാധ്യതയുള്ള കേരള തീരത്തും കർണാടക തീരത്തും മഹാരാഷ്ട്ര തീരത്തും അതിനോട് ചേർന്നുള്ള തെക്ക്-കിഴക്കൻ, മധ്യ-കിഴക്കൻ അറബിക്കടൽ പ്രദേങ്ങളിലും ലക്ഷദ്വീപ് പ്രദേശത്തും തെക്കുപടിഞ്ഞാറൻ ബംഗാൾ ഉൾക്കടലിലും മാലിദ്വീപ് തീരത്തും കന്യാകുമാരിക്ക്‌ സമീപത്തുള്ള പ്രദേശങ്ങളിലും ഒക്ടോബർ 23 വരെ മത്സ്യ തൊഴിലാളികൾ കടലിൽ പോകരുതെന്നാണ് നിർദ്ദേശം. തിരുവനന്തപുരം, കൊല്ലം ജില്ലകളിലും മഴ ശക്തമാകുമെന്നാണ് മുന്നറിയിപ്പ്. ഓഖി ചുഴലിക്കാറ്റ് സഞ്ചരിച്ച അതേ സഞ്ചാരപാത തെരഞ്ഞെടുത്ത് കന്യാകുമാരിക്കും ശ്രീലങ്കയ്ക്കും ഇടയിൽ രൂപപ്പെടുന്ന ചുഴലിക്കാറ്റായി മാറാൻ സാധ്യതയുള്ളതായി മുന്നറിയിപ്പുണ്ട്. ചൈനയിൽ നിന്നുള്ള മഴമേഘങ്ങളും കന്യാകുമാരിക്കും ശ്രീലങ്കയ്ക്കും ഇടയിൽ രൂപപ്പെടുന്ന ന്യൂനമർദ്ദവും കേരളത്തിൽ വ്യാപകമായ മഴ ഉണ്ടാകാൻ ഇടയാക്കും. ഒക്ടോബർ ആദ്യം മുതൽ ഇത് വരെ സംസ്ഥാനത്ത് അധിക മഴ ലഭിച്ചുവെന്നും കാലാവസ്ഥാ കേന്ദ്രം അറിയിച്ചു. Also Read: ലക്ഷദ്വീപിനും കേരളത്തിനുമിടയിൽ രൂപപ്പെടുന്ന ന്യൂനമർദ്ദം അടുത്ത 36 മണിക്കൂറിനുള്ളിൽ തീവ്രന്യൂനമർദ്ദമായി മാറി ഒമാൻ തീരത്തേക്ക് നീങ്ങും. 24 ാം തീയതി വരെ കനത്ത മഴയുണ്ടാകുമെന്നാണ് മുന്നറിയിപ്പ്. അതിനിടെ, ബംഗാൾ ഉൾക്കടലിൽ ബുധനാഴ്ചയോടെ മറ്റൊരു ന്യൂനമർദ്ദവും രൂപപ്പെടുന്നുവെന്നാണ് മുന്നറിയിപ്പ്. ആന്ധ്രാതീരം വഴി കരയിലേക്ക് കടക്കുന്ന ന്യൂനമർദ്ദം ഉണ്ടാകാൻ ഇടയാക്കുമെന്നുമാണ് മുന്നറിയിപ്പ്.



Post a Comment

0 Comments

Ads Area