Ads Area

വാക്‌സിൻ സ്വീകരിച്ച നമ്മുടെ പ്രിയപ്പെട്ടവരെല്ലാം ഈ പ്രൊഫൈൽ ഫ്രെയിം ഉപയോഗിക്കാൻ സ്നേഹത്തോടെ അഭ്യർത്ഥിക്കുന്നു. നമ്മൾ അതിജീവിക്കും

കേരള പോലീസിന്റെ അറിയിപ്പ്

കൊവിഡ്‌ വാക്‌സിൻ സ്വീകരിക്കേണ്ടത് നമുക്ക് വേണ്ടി മാത്രമല്ല, നമ്മുടെ നാടിന് വേണ്ടി കൂടെയാണ്. വാക്‌സിൻ സ്വീകരിച്ച നമ്മുടെ പ്രിയപ്പെട്ടവരെല്ലാം ഈ പ്രൊഫൈൽ ഫ്രെയിം ഉപയോഗിക്കാൻ സ്നേഹത്തോടെ അഭ്യർത്ഥിക്കുന്നു. നമ്മൾ അതിജീവിക്കും😍




കൊവിഡ്-19 മഹാമാരിക്കെതിരെ ഇന്ത്യയിൽ വാക്‌സിൻ കുത്തിവച്ച് തുടങ്ങി. പ്രധാനമന്ത്രി നരേന്ദ്ര മോദി വിഡിയോ കോൺഫറൻസിലൂടെ വാക്‌സിൻ കുത്തിവയ്പ്പിനു തുടക്കം കുറിച്ചത്. ഡൽഹിയിലാണ് ആദ്യമായി വാക്‌സിൻ നൽകിയത്. കൊവിഡ് വാക്‌സിൻ വിതരണം ആരംഭിച്ചെങ്കിലും ജനങ്ങളിൽ പലതരത്തിലുള്ള ആശങ്കകൾ തുടരുന്നുണ്ട്. വാക്‌സിൻ കുത്തിവെപ്പ് എങ്ങനെ ആണെന്നതടക്കമുള്ള കാര്യങ്ങളിലാണ് ആശങ്കയുള്ളത്. പാര്‍ശ്വഫലങ്ങളെക്കുറിച്ചുള്ള ചോദ്യങ്ങളാണ് ഈ ഘട്ടത്തിൽ പ്രധാനമായും ഉയരുന്നത്. അത്തരത്തിൽ ചില ആശങ്കകളും അതിന്റെ പരിഹാരങ്ങളും നോക്കാം.

  1. കൊവിഡ് വാക്സിനുകള്‍ എത്രത്തോളം ഫലപ്രദമാണ് ?
    ഫൈസ‍ർ വാക്സിൻ 95 ശതമാനത്തോളം ഫലപ്രദമാണ്. ഫൈസർ‌ / ബയോ‌ടെക് വാക്സിന്റെ മൂന്നാം ഘട്ട പരീക്ഷണങ്ങളിൽ‌ 42,000 ആളുകളാണ്‌ പങ്കെടുത്തത്, അവരിൽ പകുതിയോളം ആളുകൾക്കും പരീക്ഷണാര്‍ത്ഥം വാക്സിനും ബാക്കിയുള്ളവർക്ക് പ്ലസീബോയും (മരുന്നെന്ന പേരില്‍ നല്‍കുന്ന മരുന്നല്ലാത്ത വസ്‌തു) ലഭിച്ചു. മൊത്തം 170 പേർക്ക് കൊവിഡ് -19 രോഗം പിടിപെട്ടു. അതിൽ എട്ട് പേർ മാത്രമാണ് വാക്സിൻ ഗ്രൂപ്പിൽ ഉണ്ടായിരുന്നത്. അവശേഷിക്കുന്ന 162 പേര്‍ക്കും പ്ലസീബോയാണ് നൽകിയത്. അതായത് അഞ്ച് ശതമാനം ആളുകള്‍ക്ക് മാത്രമാണ് വാക്സിന്‍ നൽകിയിട്ടും രോഗം വന്നത്. അതിനാൽ തന്നെ 95 ശതമാനം വാക്സിന്‍ ഫലപ്രദമാണ്. ലോകാരോഗ്യ സംഘടന (WHO) 50 ശതമാനം ആണെങ്കിലും അംഗീകരിക്കുന്നു.
  2. കൊവിഡ് വാക്സിനിൽ എന്താണ് അടങ്ങിയിരിക്കുന്നത് ?
    എംആര്‍എൻഎ (മെസെഞ്ചർ ആര്‍എൻഎ) എന്ന വസ്തുവാണ് വാക്സിനിൽ അടങ്ങിയിരിക്കുന്നത്. അതിനുള്ളിൽ സ്പൈക്ക് പ്രോട്ടീനുകള്‍ അടങ്ങിയിരിക്കുന്നു. അതായത്, ഇവയാണ് വൈറസുകളെ പ്രതിരോധിക്കുന്നതിൽ നിർണായക പങ്കുവഹിക്കുന്നത്. ഇതിൽ അടങ്ങിയിരിക്കുന്ന എംആര്‍എൻഎ വൈറസിൽ നിന്നും നിര്‍മ്മിച്ചതല്ല മറിച്ച് കൃത്രിമമായി നിര്‍മ്മിച്ചെടുത്തിരിക്കുന്നതാണ്. കൊഴുപ്പിൽ നിര്‍മ്മിച്ചിരിക്കുന്ന ഗോളത്തിനുള്ളിലാണ് ഇതുള്ളത്. ഇതിനെയാണ് ലിപ്പിഡ് നാനോ പാര്‍ട്ടിക്കിള്‍സ് എന്ന് പറയുന്നത്. ഇത് സലൈൻ ലായിനിയിൽ കലര്‍ത്തിയാണ് വാക്സിന്‍ രൂപത്തിലേക്ക് ആക്കുന്നത്.
  3. വാക്സിൻ എങ്ങിനെയാണ് നൽകുന്നത് ?
    പേശികളിലേക്ക് നേരിട്ട് കുത്തിവച്ചാണ് ഈ വാക്സിന്‍ മനുഷ്യ ശരീരത്തിലേക്ക് കടത്തി വിടുന്നത്.
  4. വാക്സിന്‍ എവിടെയാണ് കുത്തി വയ്ക്കുന്നത് ?
    കൈകളിലെ പേശികളിലാണ് വാക്സിന്‍ കുത്തി വയ്ക്കുന്നത്. ഒരു വാക്സിൻ എന്നത് രണ്ട് കുത്തിവയ്പുകള്‍ ചേര്‍ന്നതാണ്.
  5. വാക്സിന്‍ എങ്ങിനെയാണ് പ്രവര്‍ത്തിക്കുന്നത് ?
    വാക്സിന്റെ ഉള്ളിലെ എംആര്‍എൻഎ മനുഷ്യശരീരത്തിലെ രോഗ പ്രതിരോധ കോശങ്ങളുമായി പ്രവര്‍ത്തിച്ച് സ്പൈക്ക് പ്രോട്ടീനുകളെ നിര്‍മ്മിക്കുന്നു. ഈ സ്പൈക്ക് പ്രോട്ടീനുകള്‍ പ്രതിരോധ കോശങ്ങളുമായി പ്രവര്‍ത്തിച്ച് ആന്റി ബോഡികളെ നിര്‍മ്മിക്കുന്നു. അങ്ങിനെ ബി സെൽ, ടി സെൽ എല്ലാം ആക്ടീവാകുന്നു. അതിന് പുറമെ, പ്രതിരോധ വ്യൂഹത്തിന് പ്രതിരോധ മെമ്മറി (ഇമ്മ്യൂണ്‍ മെമ്മറി) കൂടി സാധ്യമാകുന്നു. അതായത്, വീണ്ടും കൊറോണ വൈറസ് വന്നാൽ എങ്ങിനെ പ്രതിരോധിക്കണമെന്ന് കോശങ്ങള്‍ക്ക് നിര്‍ദ്ദേശങ്ങള്‍ നൽകുന്നു.
  6. വാക്സിന്റെ പ്രവര്‍ത്തനം ശരീരത്തിൽ എത്രനാള്‍ നിലനിൽക്കും ?
    അത് കൃത്യമായി പറയുവാന്‍ നിലവിൽ സാധ്യമല്ല എന്നാണ് വിദഗ്ദ്ധർ അഭിപ്രായപ്പെടുന്നത്. രണ്ടാം ഘട്ട ഡോസുകള്‍ പരീക്ഷിച്ചിട്ട് നാല് മാസങ്ങള്‍ മാത്രമാണ് ആയിരിക്കുന്നത്.
  7. വാക്സിന്‍ രണ്ടാമത്തെ കുത്തിവയ്പ്പ് എത്രനാളുകള്‍ക്ക് ശേഷം ?
    കൊവിഡിന് പ്രതിരോധിക്കുന്ന ഈ വാക്സിന് രണ്ട് കുത്തിവയ്പ്പുകളാണുള്ളത്. ഇവ തമ്മിൽ 19 മുതൽ 42 ദിവസത്തെ വരെ ഇടവേളയുണ്ടാകും.
  8. രണ്ടാമത്തെ കുത്തിവയ്പ്പ് എടുക്കാതിരുന്നാൽ എന്താണ് സംഭവിക്കുക ?
    ഇതുവരെ പരീക്ഷണം നടത്തിയവരിൽ രണ്ട് ശതമാനം ആളുകൾ മാത്രമാണ് രണ്ടാം ഡോസ് നഷ്‌ടപ്പെടുത്തിയിരിക്കുന്നത്. അതിനാൽ അത്തരം സാഹചര്യങ്ങളിൽ എന്ത് സംഭവിക്കുമെന്ന് പൂർണ്ണമായും വ്യക്തമല്ല.
  9. കൊവിഡ് വാക്സിന് പാര്‍ശ്വഫലങ്ങളുണ്ടാകുമോ ?
    ചില സാഹചര്യങ്ങളില്‍ ഇവയ്ക്ക് പാര്‍ശ്വഫലങ്ങള്‍ ഉണ്ടാകാം. എന്നാൽ തീവ്രതയില്ലാത്ത തോതിലായിരിക്കും ഇത് അനുഭവപ്പെടുക. പരീക്ഷണ ഘട്ടത്തിൽ വാക്സിൻ പൊതുവെ നന്നായി സഹിക്കാവുന്നതായിരുന്നു, കൂടാതെ ഒരു സ്വതന്ത്ര ഡാറ്റാ മോണിറ്ററിംഗ് കമ്മിറ്റി നടത്തിയ പരിശോധനയിൽ ഗുരുതരമായ സുരക്ഷാ പ്രശ്നങ്ങളൊന്നും റിപ്പോർട്ട് ചെയ്തിട്ടില്ല. വാക്സിന്റെ രണ്ടാമത്തെ ഡോസിന് ശേഷം ക്ഷീണവും തലവേദനയുമായിരുന്നു ഏറ്റവും മോശം പാർശ്വഫലങ്ങളായി കണ്ടെത്തിയത്.
  10. എന്തൊക്കെയാണ് കൊവിഡ് വാക്സിന്റെ പാര്‍ശ്വഫലങ്ങൾ ?
    പരീക്ഷണത്തിന്റെ അടിസ്ഥാനത്തിൽ 4 ശതമാനം ആളുകള്‍ക്ക് ക്ഷീണവും 2 ശതമാനം ആളുകള്‍ക്ക് തലവേദനയും കണ്ടെത്തിയിരുന്നു.
  11. വാക്സിന്‍ കുത്തിവെയ്പ്പ് വേദനിക്കുമോ ?
    വാക്സിൻ പരീക്ഷണം നടത്തിയ സമയത്ത് കുത്തിവയ്പ്പ് നടത്തിയ സ്ഥലത്ത് പേശികള്‍ക്ക് വേദന അനുഭവപ്പെട്ടതായി കണ്ടെത്തിയിരുന്നു.
  12. വാക്സിന്‍ വയോജനങ്ങള്‍ക്ക് ഫലപ്രദമോ ?
    അതെ, വാക്സിന്‍ പരീക്ഷണം നടത്തിയവരിൽ 85 വയസ് പ്രായമുള്ളവര്‍ വരെയുണ്ടായിരുന്നു. 65 വയസിന് മുകളില്‍ പ്രായമുള്ളവര്‍ക്ക് 94 ശതമാനമാണ് വാക്സിന്റെ വിജയ സാധ്യത പറയുന്നത്.
  13. മറ്റ് രോഗങ്ങള്‍ ഉള്ളവര്‍ക്ക് വാക്സിന്‍ എടുക്കാമോ ?
    സാധാരണക്കാര്‍ക്ക് എന്നത് പോലെ തന്നെ മറ്റ് രോഗങ്ങള്‍ ഉള്ളവര്‍ക്കും വാക്സിൻ ഫലപ്രദമാണ്. പരീക്ഷണ ഘട്ടത്തിൽ പ്രമേഹം, ക്യാൻസര്‍, ഹെപ്പറ്റേറ്റിസ് ബി, സി, എയ്ഡ്സ് എന്നീ രോഗങ്ങള്‍ ഉള്ളവര്‍ക്ക് പരീക്ഷിച്ചിരുന്നു. മികച്ച ഫലമാണ് കണ്ടെത്തിയിരുന്നത്
വാക്സിൻ ഫോട്ടോ 
പ്രൊഫൈൽ മാറ്റാൻ ഇവിടെ ക്ലിക്ക് ചെയ്യുക👇

Post a Comment

0 Comments

Ads Area