Ads Area

ഒരു തവണ കുടിച്ചാല്‍ വീണ്ടും ആവശ്യപ്പെടുന്ന വ്യത്യസ്തമായ നാരങ്ങ വെള്ളം


വീട്ടില്‍ ആരെങ്കിലും വന്നാല്‍ മിക്ക ആളുകളും നല്‍കുന്ന ഒന്നാണ് നാരങ്ങ വെള്ളം. ഇത് പലതരത്തില്‍ തയ്യാറാക്കാറുണ്ട്. അതില്‍ നിന്നുമെല്ലാം ഏറെ വ്യത്യസ്തമായി ഒരു വെറൈറ്റി നാരങ്ങാ വെള്ളം തയ്യാറാക്കിയാലോ…. ഇത് ഒരു തവണ കുടിച്ചാല്‍ വീട്ടില്‍ വരുന്ന വിരുന്നുകാര്‍ ഒന്നുകൂടി ആവശ്യപ്പെടും അത്രയ്ക്കു രുചികരവും വ്യത്യസ്തവുമാണ് ഈ നാരങ്ങാ വെളളം. വളരെ എളുപ്പത്തില്‍ തന്നെ തയ്യാറാക്കി എടുക്കാവുന്ന ഒന്നാണിത്. ഇതിനായി ആദ്യം വലിയ രണ്ടു ചെറുനാരങ്ങ കുരു കളഞ്ഞ് പിഴിഞ്ഞെടുക്കുക. ശേഷം അതിലേയ്ക്ക് ഒരു ചെറിയ കഷണം ഇഞ്ചി തൊലി കളഞ്ഞ് നന്നായി കനം കുറച്ച് അരിഞ്ഞു ചേര്‍ക്കുക.

കൂടെ ഏലക്കായുടെ തൊലി കളഞ്ഞ് അവ പൊടിച്ചതും മൂന്ന് നാല് പുതിന ഇലയും ചേര്‍ത്ത് കൊടുക്കുക. അതിലേയ്ക്ക് ഒരു ചെറിയ കഷ്ണം സാലഡ് വെള്ളരി തൊലി കളയാതെ ചെറുതായി അരിഞ്ഞു ചേര്‍ക്കുക. പിന്നീട് ആവശ്യത്തിന് പഞ്ചസാരയും ഒരു നുള്ള് ഉപ്പും ചേര്‍ത്ത് കൊടുക്കുക. ഇവ മിക്‌സിയില്‍ നന്നായി അടിച്ചെടുക്കുക. കക്കിരിക്ക് പ്രത്യേകിച്ച് എടുത്തു പറയാവുന്ന രുചികള്‍ ഒന്നുമില്ലെങ്കിലും ഇതോടൊപ്പം കക്കരി കൂടിച്ചേരുമ്പോള്‍ വ്യത്യസ്തമായ ഒരു സ്വാദാണ് നമുക്ക് ലഭിക്കുന്നത്.

മിക്‌സിയിലിട്ട് അടിച്ചെടുത്ത ശേഷം നാരങ്ങ വെളളം ഒരു അരിപ്പയില്‍ അരിച്ചെടുത്ത് ഗ്ലാസില്‍ പച്ചമുളക് ചെറുതായി അരിഞ്ഞതും ഐസ് ക്യൂബ്‌സും ഇട്ട ശേഷം അതിലേയ്ക്ക് ഒഴിച്ചു കൊടുക്കുക. എന്നാല്‍ എരിവ് ഇഷ്ടമില്ലാത്ത ആളുകള്‍ ആണെങ്കില്‍ പച്ചമുളക് ചേര്‍ക്കാതെ ഐസ് ക്യൂബ്‌സ് മാത്രം ഇട്ട് നമുക്ക് നല്‍കാവുന്നതാണ. ആരും വീണ്ടും ആവശ്യപ്പെടുന്ന വ്യത്യസ്തമായ ഒരു നാരങ്ങ വെള്ളം ഈസിയായി പെട്ടന്ന് തന്നെ തയ്യാറാക്കി നോക്കൂ.. എല്ലാവര്‍ക്കും ഇഷ്ടപ്പെടുന്ന ഒന്നാണിത്.

Tags

Post a Comment

0 Comments

Ads Area